“İsrail Müdafiə Qüvvələri Qəzza zolağında mülki obyektlərə də zərbələr endirib”. Elchi.az TASS-a istinadən xəbər verir ki, bunu BMT-nin baş katibi Antonio Quterreş Yaxın Şərqdəki vəziyyətlə bağlı keçirdiyi mətbuat konfransında deyib.
O qeyd edib ki, davam edən bombardmanlardan mülki əhali əziyyət çəkir. İsrail əsgərləri quru əməliyyatlarında xəstəxanaları və qaçqın düşərgələrini, habelə kilsə və məscidləri hədəfə alır, deyə Quterreş bildirib.
Bundan əvvəl Aİ diplomatiyasının rəhbəri Josep Borrell bölgədə növbəti zorakılıq artımından sonra Yaxın Şərqdə nizamlanmaya nail olmaq cəhdlərinin uğursuz olduğunu etiraf edib. O, hadisələrin indiki inkişafını faciə adlandırıb və hesabın münaqişənin hər iki tərəfinin üzərinə düşəcəyini xatırladıb.
Havar Şəfiyeva