Birləşmiş Millətlər Təşkilatının (BMT) baş katibi Antonio Quterreş İsrail və İranı atəşkəs rejiminə riayət etməyə çağırıb və bölgədəki digər münaqişələrdə də atəşkəsin əldə ediləcəyinə ümid etdiyini bildirib.
Elchi.az xəbər verir ki, Quterreş X sosial media hesabında İsrail və İran arasında atəşkəslə bağlı paylaşım edib.
ABŞ prezidenti Donald Trampın İsraillə İran arasında atəşkəs elan etməsindən məmnun olduğunu qeyd edən Quterreş münaqişənin sona çatmalı olduğunu bildirib.
Quterreş İsrail və İranı atəşkəsə əməl etməyə çağırıb və bölgədəki digər münaqişələrdə də atəşkəsin əldə olunacağına ümid etdiyini bildirib.
BMT-nin baş katibi qeyd edib ki, hər iki ölkənin xalqı böyük əziyyətlər çəkib.
Nuranə Məmmədova
