BMT məşhur rus politoloq Aleksandr Duqinin qızı Daria Duqinanın ölümü ilə bağlı araşdırma aparmağa çağırır.
Elchi.az xəbər verir ki, bu barədə BMT baş katibinin rəsmi nümayəndəsi Stefan Düjarrik məlumat verib.
“Biz xanım Duqinanın ölümünün arxasında duran bütün faktları müəyyən etmək üçün təhqiqat aparmağa çağırırıq”, – deyə Dujarrik jurnalistlərə bildirib.
Rusiyanın BMT-dəki daimi nümayəndəsi Vasili Nebenzya bildirib ki, Rusiya BMT-nin avqustun 23-nə təyin edilmiş təcili iclasında Daria Duqinanın qətli ilə bağlı məsələ qaldıracaq.
Xatırladaq ki, Rusiyanın tanınmış ictimai-siyasi xadimi, politoloq Aleksandr Duqinin qızı Darya Duqina ötən gün həlak olub. Hadisə Moskva vilayətində “Toyota Land Cruiser Prado” markalı avtomobilin partlaması nəticəsində baş verib. Avtomobilə quraşdırılan bombanın işə düşməsi 30 yaşlı Duqinanın həyatına son qoyub.
Federal Təhlükəsizlik Xidməti (FSB) bu gün Darya Duqinanın qatilinin kimliyi açıqlanıb. Rəsmi məlumatda cinayətin Ukrayna xüsusi xidmət orqanları tərəfindən hazırlanaraq həyata keçirildiyi bildirilib. Qeyd olunub ki, sui-qəsdi 1979-cu il təvəllüdlü Ukrayna vətəndaşı Natalya Pavel Vovk törədib.
Son şərhlər