BMT Baş Katibliyinin hazırladığı son İŞİD hesabatı açıqlanıb. Terrorla Mübarizə Baş katibinin müavini Vladimir Voronkov İŞİD-in hələ də münaqişə bölgələrində ciddi təhlükə olduğunu vurğulayıb.
Elchi.az Anadolu Agentliyinə istinadən xəbər verir ki, BMT Təhlükəsizlik Şurası BMT Katibliyinin hazırladığı son İŞİD hesabatı ilə bağlı iclas keçirib.
Burada çıxış edən BMT baş katibinin terrorla mübarizə üzrə müavini Vladimir Voronkov münaqişə olmayan ərazilərdə İŞİD təhlükəsinin aşağı səviyyədə olduğunu bildirib.
Voronkov terror təşkilatı İŞİD və onun uzantılarının hələ də mürəkkəb quruluşa və xarakterə malik olduğuna diqqət çəkib.
Voronkov xüsusilə Afrikanın bəzi bölgələrində İŞİD və əlaqəli qrupların artan zorakılığının narahatlıq doğurduğunu qeyd edərək, Sudandakı qarşıdurmaların da vəziyyəti daha da pisləşdirdiyini bildirib.
Nuranə Məmmədova
Son şərhlər