Pentaqon Şanqri-La Dialoqu çərçivəsində gələn ay Sinqapurda müdafiə naziri Lloyd Ostini Çinin müdafiə naziri Li Şanqfu ilə görüşdürməyə çalışır.
Elchi.az xəbər verir ki,bu barədə məlumatlı mənbələrə istinadən Bloomberg məlumat yayıb.
Ostin keçən il eyni tədbirdə Çinin keçmiş müdafiə naziri Vey Fenqe ilə görüşüb.
Qeyd olunur ki, əvvəlki müdafiə nazirindən fərqli olaraq, Li Şanfu 2018-ci ildən ABŞ sanksiyaları altındadır, ona görə də Vaşinqton və Pekin arasında hərbi sahədə təmaslar kifayət qədər yöndəmsiz və gərgin ola bilər.
Asiya-Sakit Okean regionunun 28 dövlətindən Müdafiə Nazirliyinin rəhbərləri və digər hərbi rəhbərlərin iştirak etdiyi illik təhlükəsizlik üzrə hökumətlərarası forum iyunun 2-dən 4-nə kimi Sinqapurda keçiriləcək.
Nuranə Məmmədova
Son şərhlər