ABŞ dövlət katibi Antoni Blinkenin İsrailin Qəzzaya hücumları ilə bağlı bu gün İordaniyanın paytaxtı Əmmanda İordaniya, Misir, Səudiyyə Ərəbistanı, Qətər və Birləşmiş Ərəb Əmirliklərinin (BƏƏ) xarici işlər nazirləri ilə görüşəcəyi açıqlanıb.
Elchi.az xəbər verir ki, İordaniya Xarici İşlər Nazirliyindən verilən yazılı açıqlamada 5 ərəb ölkəsinin xarici işlər nazirlərinin əvvəlcə Fələstin Azadlıq Təşkilatının (FAT) baş katibi Həsən əl-Şeyx ilə görüşəcəyi bildirilib.
Bəyanatda deyilir: “İsrailin Qəzza zolağında apardığı müharibəyə və səbəb olduğu humanitar fəlakətə son qoymaq səyləri çərçivəsində şənbə günü koordinasiya toplantısı keçiriləcək.”
Bildirilib ki, daha sonra ərəb nazirləri ilə ABŞ dövlət katibi Blinken arasında görüş keçiriləcək və bu görüşdə nazirlər həmkarları Blinkenə “atəşkəs və təcili humanitar yardım çağırışını vurğulayacaqlar”.
Görüşlərdən sonra nazirlərin birgə mətbuat konfransı keçirəcəkləri qeyd edilib.
Nuranə Məmmədova
Son şərhlər