Papua Yeni Qvineyanın baş naziri Ceyms Marape, ABŞ prezidenti Co Bayden və Hindistanın baş naziri Narendra Modinin öz ölkələrində keçiriləcək toplantıda Sakit okean ölkələrinin liderləri ilə görüşəcəklərini açıqlayıb.
Elchi.az xəbər verir ki,Papua Yeni Qvineya Baş naziri Marape, Baş Nazirlik Ofisinin Facebook hesabından etdiyi şərhdə, Bayden və Modinin may ayında paytaxt Port Moresbydə keçiriləcək Hindistan-Sakit Okean Adaları Əməkdaşlıq Forumunda iştirak etmək üçün ölkəsinə səfər edəcəklərini söylədi.
Qlobal supergüclərin gələcək siyasətlərinin qiymətləndiriləcəyi Port Moresbidəki görüşün tarixlərində bir ilk olduğuna diqqət çəkən Marape, Modi ilə təkbətək görüş keçirməyi planlaşdırdığını və Baydenin iştirakından məmnun olduğunu bildirib.
New York və Vaşinqtonda prezident Baydenlə görüşmək imtiyazına sahib olduğunu və hər iki görüşdə onu Papua Yeni Qvineyaya dəvət etdiyini ifadə edən Marape, “Onun verdiyi sözü tutmasından çox qürur duyuram” dedi.
Marape bildirib ki, Bayden özü ilə yanaşı 18 Sakit okean ölkəsinin liderləri ilə də görüşəcək.
Nuranə Məmmədova
Son şərhlər