Sənaye və Texnologiya naziri Mustafa Varank, Trendyol-un artıq o ölkənin Azərbaycanda brendi kimi xidmət edəcəyini bildirərək, “Önümüzdəki dövrdə iki ölkə arasında ticarət həcmi daha da artacaq”-dedi.
Elchi.az xəbər verir ki,Trendyol Azərbaycanın ən böyük holdinqlərindən biri olan Bakıda fəaliyyət göstərən Pasha Holding ilə Azərbaycan bazarı üçün tərəfdaşlıq müqaviləsi imzalayıb.
Müqavilə çərçivəsində Trendyol və Paşa Holdinq Azərbaycanda ortaq elektron ticarət fəaliyyəti həyata keçirəcək şirkət yaradacaq. Beləliklə, Trendyol Almaniyadan sonra Azərbaycana açılacaq.
Türkiyənin aviasiya, kosmos və texnologiya festivalı TEKNOFEST-də təşkil edilən razılaşma mərasimində çıxış edən sənaye və texnologiya naziri Varank, iki ölkə arasında iqtisadi əlaqələri fərqli bir ölçüyə daşıyacaq bu imza mərasiminin keçirilməsindən çox məmnun olduğunu bildirib.
Türkiyə və Azərbaycanla münasibətlərini “bir millət, iki dövlət” şüarı ilə inkişaf etdirdiklərini bildirən Varank, son zamanlar iqtisadi və ticarət əlaqələrinin fərqli bir ölçüyə keçdiyini qeyd edib.
Varank sözlərini belə davam etdirdi:
“Əvvəllər Trendyol-un Berlin ofisinin açılışına getmişdim. Ümid edirəm ki, Trendyol-u Azərbaycanda görməyə başlayacağıq, çünki bu gün ikinci ünvan olacaq. Paşa Holdinqlə birlikdə Azərbaycanda müəyyən mənada ortaq brend yaradacağıq. Artıq Azərbaycandadır. Trendyol ən çox istifadə olunan brendlərdən biridir, lakin Azərbaycan brendi olaraq yoluna davam edəcək. Qarşıdakı dövrdə iki ölkə arasında ticarət həcmi daha da artacaq”.
Dünyada iş görmə tərzinin dəyişdiyini və texnologiya şirkətlərinin bir çox sahədə müştəriləri üçün həllər istehsal etməyə başladığını bildirən Varank, “Dünyada böyük rəqabət var. Bunu qaçırmamalıyıq. Ortaq markanı təqdim edəcəyik. Azərbaycan və Türkiyəni dünyaya tanıdırıq. Markamızla o coğrafiyanı açacağıq. Paşa Holdinqə bir daha belə bir strateji imza atdığı üçün təşəkkür edirəm”. ifadələrdən istifadə etmişdir.
Nuranə Məmmədova
Son şərhlər