ABŞ prezidenti Co Bayden xəbərdarlıq edib ki, gələn il keçiriləcək prezident seçkilərində Amerika demokratiyası onun rəqibi, ABŞ-ın keçmiş prezidenti Donald Tramp tərəfindən risk altındadır.
Elchi.az bu barədə BBC.com-a istinadən xəbər verir.
Yaşı ilə bağlı narahatlıqlarla üzləşən Bayden Trampın ikinci prezidentliyinin ABŞ-a təhlükə olacağını açıqlayaraq, yatmış tərəfdarlarını oyatmağa çalışıb.
80 yaşlı Bayden bildirib ki, ölkənin təbiəti və gələcəyi Trampın “Amerikanı yenidən möhtəşəm et” hərəkatının avtoritar dəyərləri ilə təhdid altındadır. Yarım saatlıq çıxışında yalnız bir dəfə Trampı xatırladan Bayden, buna baxmayaraq, sələfini xarakterizə edən davranışla Demokratik norma və ənənələri müqayisə etməyi seçib.
Tramp 2020-ci il seçkilərinin nəticələrini ləğv edə bilməsə də, Bayden təhlükənin bitmədiyi barədə xəbərdarlıq edib: “Demokratiya bu gün də təhlükə altındadır. Bu hiperbola deyil. Bu sadə həqiqətdir”, – deyə Bayden bildirib.
Yeganə