“Kənd təsərrüfatı təyinatlı torpaqlarda tikinti əmsalından qismən istifadə edildikdə, torpaq sahəsinin əsaslı tikili olmayan hissəsi başqa şəxsin mülkiyyətinə və ya istifadəsinə keçdikdə, həmin hissədə tikililərin inşası üçün yol verilən həddin hesablanması Qaydası” təsdiq edilib.
Elchi.az xəbər verir ki, Baş nazir Əli Əsədov bununla bağlı qərar imzalayıb.
Sahəsi 5 hektardan az olmayan və vahid sərhəd daxilində yerləşən kənd təsərrüfatı təyinatlı torpaq sahələrinin (yay və qış otlaqları, ümumi istifadədə örüş sahələri istisna olmaqla) 1 faizindən artıq olmayan hissəsində kənd təsərrüfatı məhsullarının istehsalı və emalı üçün nəzərdə tutulmuş, habelə işçilərin (personalın) müvəqqəti yaşaması məqsədləri üçün yaşayış təyinatlı əsaslı tikililər inşa edilə və quraşdırıla bilər. Kənd təsərrüfatı məhsullarının istehsalı və emalı üçün nəzərdə tutulmuş, habelə işçilərin (personalın) müvəqqəti yaşaması məqsədləri üçün yaşayış təyinatlı əsaslı tikililərin inşa edilməsinə və quraşdırılmasına torpaq sahəsinin mülkiyyətçisinin (onun yazılı razılığı ilə istifadəçisinin və ya icarəçisinin) müraciəti əsasında Azərbaycan Respublikasının Şəhərsalma və Tikinti Məcəlləsinə uyğun olaraq icazə verilir. Torpaq sahəsinin əsaslı tikili olmayan bir hissəsi başqa şəxsin mülkiyyətinə və ya istifadəsinə keçdikdə bölünən torpaq sahələri 5 hektardan az olduğu halda tikililərin inşasına və quraşdırılmasına yol verilmir. Tikinti əmsalından tam istifadə edildikdə torpaq sahəsinin əsaslı tikili olmayan hissəsi başqa şəxsin mülkiyyətinə və ya istifadəsinə keçdikdə, torpaq sahəsinin həmin hissəsi yenidən tikinti əmsalına cəlb edilmir. Bu Qaydada istifadə olunan anlayışlar Azərbaycan Respublikasının normativ hüquqi aktları ilə müəyyən edilmiş mənaları ifadə edir. Qərarla Kənd təsərrüfatı təyinatlı torpaqlarda tikililərin inşası üçün yol verilən hədd müəyyən ediləcək. Tikinti əmsalından qismən istifadə edilmiş torpaq sahəsinin əsaslı tikili olmayan hissəsi başqa şəxsin mülkiyyətinə və ya istifadəsinə keçdikdə, tikililərin inşası üçün yol verilən hədd bu Qaydanın tələbləri nəzərə alınmaqla, aşağıdakı qaydada müəyyən edilir: -. torpaq sahəsi bölünən zaman başqa şəxsin mülkiyyətinə və ya istifadəsinə keçməyən torpaq sahəsində əsaslı tikilinin sahəsi tikinti əmsalının 1 faizini keçmədiyi halda torpaq sahəsinin tikinti əmsalı həmin əsaslı tikilinin sahəsi çıxılmaqla müəyyən edilir. Başqa şəxsin mülkiyyətinə və ya istifadəsinə keçən boş torpaq sahəsində tikinti əmsalı 1 faiz həddində müəyyən edilir; -. torpaq sahəsi bölünən zaman başqa şəxsin mülkiyyətinə və ya istifadəsinə keçməyən torpaq sahəsində əsaslı tikilinin sahəsi tikinti əmsalının 1 faizini keçdiyi halda həmin torpaq sahəsi yenidən tikinti əmsalına cəlb edilmir. Başqa şəxsin mülkiyyətinə və ya istifadəsinə keçən boş torpaq sahəsində tikinti əmsalı torpaq sahəsinin bölünməzdən əvvəl yol verilən tikinti əmsalının (1 faiz) istifadə edilməyən hissəsi həddində müəyyən edilir. Üzərində əsaslı tikili olmayan və bu Qaydaya uyğun olaraq tikinti əmsalı müəyyən edilmiş torpaq sahəsi qonşu torpaq sahəsinə birləşdirildikdə, birləşdirilən torpaq sahəsinin yol verilən tikinti əmsalı qonşu torpaq sahəsinin yol verilən tikinti əmsalı ilə toplanır. Üzərində əsaslı tikili olan və ərazisi 5 hektardan az olan torpaq sahəsi qonşu torpaq sahəsi ilə birləşdirildikdən sonra yaranan vahid torpaq sahəsində tikinti əmsalı həmin əsaslı tikilinin (tikililərin) sahəsi çıxılmaqla müəyyən edilir.
Bu qərar kənd təsərrüfatı sahəsi üçün çox vacibdir. Baş nazir Əli Əsədovun bu addımı torpaqlardan daha səmərəli istifadə olunmasına şərait yaradacaq. Bu yenilik kənd təsərrüfatı istehsalını və emalını stimullaşdırmaqla yanaşı, işçilər üçün də yaşam şəraitini yaxşılaşdıracaq. Çox sevindirici bir xəbərdir!
Bu qaydaların qəbul olunması yaxşıdır, amma gərək hər kəsə aydın olsun. Məsələn, 5 hektardan az olan torpaqlarda tikinti olmayacaq deyirlər, bu da bəzi kiçik fermerləri çətin vəziyyətə qoya bilər. Ümumiyyətlə, bu qaydalar tətbiq olunanda hamının başa düşməsi üçün daha sadə dillə izah edilməlidir. Həm də, bu qərarın icrası necə olacaq, onu da bilmək maraqlıdır.
Baş nazirin bu qərarı çox yaxşı oldu, ümid edirəm ki, hər şey aydın olar. Keçmişdə bu mövzuda çaşqınlıqlar var idi. Həm də, 5 hektardan kiçik torpaqlarda tikintinin məhdudlaşması bəzi kiçik fermerlər üçün narahatlıq yarada bilər, amma ümid edək ki, bunun da bir həlli tapılar. Əsas odur ki, qaydalar hamıya aydın olsun.
Çox doğru bir məlumatdır bu. Nazirimiz Əli Əsədovun bu qərarı kənd təsərrüfatına çox böyük dəstək olacaq. Belə qaydaların olması vacibdir, bununla torpaqlardan daha səmərəli istifadə ediləcək. Məlumat üçün təşəkkürlər.
Əla bir xəbərdir, məncə bu qərar kənd təsərrüfatına çox böyük kömək olacaq. Nazir Əli Əsədovun bu addımı çox doğru atdığını düşünürəm. Belə qaydaların olması lazımdır ki, işlər düzgün görülsün. Hər şey çox aydın və yerindədir.