Bakı-Sumqayıt sürətli elektrik qatarı hələlik iki şəhər arasında yerləşən stansiyalarda dayanmadan hərəkət edir.“Qafqazinfo” xəbər verir ki, bunu “APA-Economics”ə “Azərbaycan Dəmir Yolları” QSC Mətbuat Katibliyinin rəisi Nadir Əzməmmədov deyib.
N. Əzməmmədovun sözlərinə görə, Keşlə, Biləcəri, Xırdalan və Güzdək dəmir yolu stansiyalarında sərnişinlərin qəbulu həyata keçirilmir. “Biləcəri stansiyasında hələlik turniketlər quraşdırılır. Bu stansiyada sərnişinlərin qəbul edilməsi və yola salınmasını təmin etmək üçün müvafiq tədbirlər görülür”, – deyə qurum rəsmisi bildirib.
Digər stansiyalara gəlincə, N. Əzməmmədov bildirib ki, sərnişin sıxlığı olduqca qatarların bu stansiyalarda dayanması barədə qərar qəbul ediləcək.
Yeri gəlmişkən, bu gündən etibarən Bakı-Sumqayıt marşrutu ilə elektrik qatarlarının aşağıdakı hərəkət cədvəli qüvvəyə minib:
Qeyd edək ki, bu gündən həm də Tarif (qiymət) Şurasının sentyabrın 14-də keçirilmiş iclasında təsdiqlənən Bakı-Sumqayıt elektrik qatarlarında sərnişindaşıma xidmətlərinin tarifləri qüvvəyə minib.
Tarif Şurasının qərarı ilə Bakı Dəmir Yolu Vağzalından Sumqayıt Dəmir Yolu Vağzalınadək gediş haqqı 80 qəpik, aralıq stansiyalar üzrə isə şəhərdaxili və şəhərətrafı alternativ nəqliyyat vasitələri ilə sərnişindaşıma tarifləri və stansiyalararası məsafə nəzərə alınmaqla, 20-70 qəpik arasında təsdiq edilib.
Son şərhlər