“Azərbaycan bu məsələdə ayıq-sayıq olmalıdır”

“Azərbaycan həssas və vacib bir bölgədə yerləşdiyindən Yaxın Şərqdə və Suriyada  baş verən hadisələrin bura keçmə riski var”.

Bunu Moderator.az -a açıqlamasında politoloq Tofiq Abbasov bildirib.

Tofiq Abbasovun sözlərinə görə, Suriyada və İraqın şimalındakı proseslər yaxın ərazidə baş verdiyindən Azərbaycan risk zonası sayıla bilər.

Politoloq bildirib ki, İŞİD qruplaşmaları emissarları postsovet  məkanındakı müsəlmanlar arasında  təbliğat apararaq, bu ölkələrin vətəndaşları hesabına sıralarını genişləndirməyə çalışırlar.

“O baxımdan radikal qruplaşmaların ölkəmizdə vəziyyəti gərginləşdirməsi istisna deyil. Amma buna baxmayaraq Azərbaycan hüquq-mühafizə orqanları aktiv işləyir. Məhz bunun nəticəsidir ki, son illərdə müxtəlif belə qruplaşmaları zərərsizlədiriblər. Hansı ki, bu qruplar Azərbaycanda  nəinki terror aktı törətməyə cəhd edib, eyni zamanda insanlara qarşı bir sıra təhdidlər edilib”, – deyə politoloq vurğulayıb.

Politoloq onu da əlavə etdi ki, Azərbaycanın hüquq-mühafizə orqanları bu məsələ ilə bağlı ayıq-sayıq olsalar da,  bölgəni müharibə çəlləyinə çevirən qüvvələr bunun arelaının genişlənməsində maraqlıdırlar. “Ona görə də Azərbaycan bu məsələdə ayıq-sayıq olmalıdır. Düzdür Azərbaycan özünü belə təhlükələrdən qoruyan ölkədir və buna qadirdir. Ancaq heç nəyi istisna etmək olmaz.  Artıq Rusiyada radikal dini qruplaşmaların aktivləşməsi ilə bağlı ciddi narahatçılıq olduğundan İŞİD-ə qarşı mübarizədə ikinci koalisiyanı yaratmaq istəyir və bu məqsədlə İran, İraq və Bəşər Əsədlə bu sahədə sıx əməkdaşlıq etməyə başlayıb. Həmçinin bizə qonşu və strateji müttəfiq  ölkə olan türkiyə də bu prosesin içindədir. Gürcüstan da bölgəyə yaxın olduğundan bu ölkənin Pankisi deyilən ərazisində radikal islamçıların təlim  bazası yerləşir və orada onlar təlimlər keçrilər. Ona görə də azərbaycan hüquq-mühafisə orqanları bütün bunları qiymətləndirməlidirlər. Çünki uğurlu qabaqlayıcı tədbriləri vaxtında əldə edilən  kəşfiyyat məlumatları əsasında həyata ekrçimək olar. Bu baxımdan bir daha deyirəm ki, həssas  və əhəmiyyətli coğrafi məkanda yerləşdiyimiz nəzərə alaraq qabaqalayıcı tədbirləri həyata keçirməliyik”, -deyə Abbasov qeyd edib.