Çindən İtaliyaya yola çıxan Alksandro Qatto cənub regionundadır
Velosipedlə dünya turuna çıxan italyan səyyah Azərbaycanda. ANS PRESS-in bölgə müxbirinin məlumatına görə, Alksandro Qatto adlı səyyah çətin də olsa Çindən İtaliyaya qədər uzun bir yolu məhz bu yolla qət etməyi planlaşdırıb.
Qatto 9 aydır ki, yollardadır. O, 9 ildir ki, Çin telekanallardan birində operator kimi çalışır. Dünyanı və ölkələri öz gözləri ilə görmək, çətinlikləri hiss etmək arzusu onu bu yola çıxarıb.
Çinin Şanxay şəhərindən yola çıxan səyəhətçi indiyə kimi Qazaxıstan, Tacikistan, Özbəkistan, Türkmənistan və İrandan keçib.
Maraqlıdır ki, Alksandro daha çox çol şəraitində gecələməyi üstün tutur.
“Mən həmişə hər hansı bir damın altında çadır üçün bir yer axtarıram. Birinci axşam bir nəfər məni Astarada evinə dəvət etdi. Mən onun bağında çadır qurdum. Ötən gün isə Masallıda yenicə tikilən bir binada gecələdim. Səhər oyananda gördüm ki, fəhlələr mənə çay gətirib”.
Velesopedçi səyyah vegeterian olduğu üçün daha çox meyvə-tərəvəzlə qidalanır. Dediyinə görə, ölkəmizə daxil olandan bəri bu kimi qidaların əldə olunmasına pul xərcləməyib. Belə ki, yol boyu cənub bölgəsində sakinlər onu təmənnasız olaraq meyvə-tərəvəzə qonaq ediblər. Onun sözlərinə görə, burada insanlar çox gözəl, səmimi və mehribandırlar. “Mən özümü təhlükəsiz hiss edirəm. Heç bir narahatçılığm yoxdur”.
Aleksandro gün ərzində 80 km-ə yaxın yol qət edir. Qış ayları olmasına baxmayaraq yalnız Türkmənistan və Qazxıstanda yollar qarlı olduğu üçün müəyyən çətinliklərlə qaşılaşıb. Səyahətçi qarda-yağışda yol getməsinə baxmayaraq indiyə kimi bir dəfə də olsun belə xəstələnməyib. Yalnız bir neçə dəfə mədəsində ağrılar hiss edib.
9 aylıq səyəhət səyyaha 2500 avroya başa gəlib.
O, Azərbyacan və Gürcüstandan sonra daha 6 ölkədən keçməklə səyahətini İtalyiyada başa vuracaq.
ANS PRESS
