Azərbaycan Dövlət Rəssamlıq Akademiyasında Azərbaycan Milli Konservatoriyasının birgə təşkilatçılığı ilə 12 mart sərgi baş tutacaq.
Elchi.az xəbər verir ki, “Rəngkarlıq və musiqi” adlı sərgi-müsabiqə ADRA Muzey-Sərgi Kompleksində keçiriləcək.
ADRA-nın “Təsviri sənət və sənətşünaslıq” fakültəsinin rəngkarlıq ixtisasının tələbələrinin qatıldığı müsabiqədə 35-dən artıq işi yer alıb. Sərgidə nümayiş olunan işlər musiqi mövzusunu əhatə edir.
Tədbirdə Azərbaycan Dövlət Rəssamlıq Akademiyası və Azərbaycan Milli Konservatoriyasının rəhbər işçiləri, professor-müəllim heyəti iştirak edəcək.
Mövzu üzrə seçilmiş ən yaxşı 7 əsər Azərbaycan Milli Konservatoriyası tərəfindən mükafatlandırılacaq.
Qeyd edək ki, “Rəngkarlıq və musiqi” adlı sərgi-müsabiqə 12 mart saat 12:00-da Azərbaycan Dövlət Rəssamlıq Akademiyası Muzey-Sərgi Kompleksində (Heydər Əliyev pr.24) keçiriləcək.
Havar Şəfiyeva
Son şərhlər