Avropa Birliyi (AB) ölkələri öz ehtiyatlarının tükənməsindən qorxaraq Ukraynaya Patriot hava hücumundan müdafiə sistemlərini təhvil verməkdən imtina edirlər.
Elchi.az xəbər verir ki, bu barədə “The Washington Post” mənbələrə istinadən məlumat verib.
Hesabatda deyilir:
“Ukraynanın əsas hərbi dəstəkçiləri olan Avropa hökumətləri əlavə Patriot sistemlərini təhvil verməkdən çəkinirlər, çünki bunun öz müdafiələrini zəiflədə biləcəyindən ehtiyat edirlər. Bu ilin əvvəlində Tramp administrasiyası bir neçə Avropa ölkəsini Kiyevə Patriot raketləri göndərməyə çağırdı, lakin bəziləri bu cür narahatlıqlar üzündən imtina etdi”.
Ukraynanın keçmiş yüksək rütbəli rəsmisi vəziyyətin həqiqətən pis olduğunu bildirib və bu qış üçün ən pis ssenarini proqnozlaşdırıb.
Daha əvvəl Ukraynanın xarici işlər naziri Andrii Sibiha qeyd etmişdi ki, Kiyev “Patriot” sistemləri üçün PAC-3 tipli ələkeçirici raketlərin əldə edilməsində çətinliklərlə üzləşir və bu, onu hər bir raket uğrunda müttəfiqlərlə sözün əsl mənasında mübarizə aparmağa məcbur edir.
Yeganə
