Avropa Şurasının Parlament Assambleyasının (AŞPA) plenar iclasında Avropa Şurasının baş katibi Tyorborn Yaqland assambleya üzvlərinin suallarını cavablandırıb.APA-nın Avropa müxbiri xəbər verir ki, AŞ-nın baş katibinə sual verən Azərbaycanın AŞPA-dakı nümayəndə heyətinin üzvü Qənirə Paşayeva ermənilərin Azərbaycanın işğal olunmuş torpaqlarında qeyri-qanuni girov saxladıqları Şahbaz Quliyev və Dilqəm Əsgərovun məsələsinə toxunub:
“Bir neçə ay əvvəl Ermənistanın işğal etdiyi Azərbaycan ərazilərində qurulmuş separatçı, heç bir ölkənin tanımadığı və Ermənistanın dəstəklədiyi rejim tərəfindən girov götürülən azərbaycanlılar Şahbaz Quliyev və Dilqəm Əsgərova qarşı bütün beynəlxalq normalar pozularaq insanlıqdan kənar əməllər həyata keçirilib. Bu günədək bütün çağırışlara baxmayaraq, onlar girovluqda saxlanılmaqda davam edirlər. Cənab baş katib, onların ailələri sizdən dəstək gözləyirlər, girovların azad olunması istiqamətində addımlar atmağa çağırırlar. Girovların azadlığa buraxılması üçün baş katib kimi hansı addımlar ata bilərsiniz?”
T. Yaqland isə bu məsələləri diqqətlə izlədiyini bildirib. “Bu məsələ məni çox narahat edir. Mən nə edə bilərəm? İndi bu məsələdə nə edə biləcəyimi sizə desəm, güman ki, bir nəticə verməz. Amma sizi əmin edə bilərəm ki, bu məsələni yaxından izləyirəm və vəziyyətin müsbətə doğru dəyişməsinə çalışıram”.
Son şərhlər