Almaniya hökuməti Fələstin ərazilərinə etdiyi inkişaf və infrastruktur yardımlarını nəzərdən keçirmək qərarına gəlib və ödənişləri dayandırıb.
Elchi.az xəbər verir ki, İnkişaf Nazirliyindən verilən açıqlamada bildirilib ki, ödəniş məsələsi hazırda hərtərəfli nəzərdən keçirilir və müvəqqəti olaraq dayandırılıb.
İnkişaf naziri Svenja Schulze deyib: “Biz bu çətin zamanda İsraillə tam həmrəyik. Fələstin ərazilərindəki insanlara verdiyimiz dəstəyin sülhə xidmət etdiyinə hər zaman həssas yanaşırıq. Bununla belə, İsrailə qarşı bu hücumlar dəhşətli dönüş nöqtəsidir”. Ona görə də biz Fələstin ərazilərinə dair bütün öhdəliyimizi nəzərdən keçirəcəyik” dedi.
Almaniya Xarici İşlər Nazirliyi bu günə kimi 73 milyon avro dəyərində humanitar yardım edib. Almaniyanın göndərdiyi 73 milyon avronun böyük hissəsi beynəlxalq qeyri-hökumət təşkilatları və Birləşmiş Millətlər Təşkilatı (BMT) vasitəsilə ərzaq yardımı və səhiyyə xidmətlərinə sərf olunur. Almaniya İnkişaf Nazirliyi bu il və gələn il üçün Fələstin əraziləri üçün ikitərəfli inkişaf əməkdaşlığı üçün təxminən 125 milyon avro ayırıb.
Şayəstə Hüseynova
Son şərhlər