Nyu-Cersidə təlatüm yaşandı
Amerikanın nüfuzlu saytlarından olan “New Jersey.com” maraqlı bir məsələyə diqqət ayırıb. Marc Leyboits evinin qarşısında qara fonda, üzərində ərəb əlifbası ilə yazı verilmiş bayrağı İraq və Şam İslam Dövləti (İŞİD) bayrağı zənn edib və həmin evin şəklini çəkərək Tvviter-də paylaşıb. Onun statusu ildırım sürəti ilə sosial şəbəkədə yayılıb. 600 dəfədən artıq həmin status yenidən paylaşılıb.
Bundan xəbər tutan evin sahibi çox məyus olub. O, bildirb ki, evinin üzərindən asdığı bayraq onun müsəlman olmasının rəmzi sayılmalıdır. Və həmin bayrağın İŞİD bayrağı ilə hər hansı bağlılığı yoxdur. İslam sülh və birlik dinidir. Mən anti-Amerikan qruplarının üzvü deyiləm, əksinə mən vətənim Amerikanı çox sevirəm, sadəcə mən müsəlmanam və dinimlə bağlı bayrağı başımın üstündən asmışam.
Cənab Leyboits deyib ki, Əli Dunavayın şəxsi həyatına bilmədən müdaxilə etdiyinə görə ondan üzr istəyib: “O, doğrudan da səmimi bir niyyətlə o bayrağı asıb. Mənsə bunu yanlış başa düşmüşəm. Biz bir-birimizlə telefonla danışdıq və anlaşmamızda heç bir problem olmadı. Biz həm də həmyaşıdq, 44 yaşımız var“.
Cənab Leyboits deyib ki, əslində bu fotonu onun dostu çəkib: “O, belə işlərə qarışmağı sevmir. Fotonu mənə göndərdi. Mən də yanlış anladığıma görə onu paylaşdım”.
Əli isə deyib ki, o, 10 ildir ki, həmin bayrağı oradan asır: “Hər Ramazanda bayraq orada olur. Bir də hər cümə günü dua etmək üçün bayrağı asıram. Ancaq indiyə qədər belə bir şey olmamışdı”.
Amerika müsəlmanlarının liderlərindən olan Khurrum Əli deyib ki, əvvəl mənə elə gəldi ki, Əli zorla qarşılaşdığına görə o bayrağı evinin üstündən götürməli olub. Ancaq sonra polisdən öyrəndim ki, Əli bayrağı öz təhlükəsizliyindən dolayı könüllü şəkildə götürüb. Müsəlmanların çoxu bu bayraqdan istifadə edir. Buna görə narahat olmağa dəyməz. Və bu istiqamətdə insanların maariflənməsi gərəkir…
Elbəyi Həsənli, Sürix