Almaniya, Danimarka və Polşanın baş nazirləri alman silah istehsalçısının yeni sursat istehsalı müəssisəsinin təməlqoyma mərasimində iştirak ediblər. Mərasimdəki çıxışlarında hər üç baş nazir silah və hərbi texnika istehsalının sürətlə artırılması ilə bağlı mesajlar verib.
Davam edən müharibələr Avropanı da hərəkətə gətirdi.
Elchi.az xəbər verir ki, Almaniya kansleri Olaf Scholz, Polşa və Danimarka liderləri ilə Almaniyada silah istehsalı müəssisəsinin açılışına qatılaraq sürətli istehsalın başlayacağını vurğulayıb.
O bildirib ki, hər il yüz minlərlə artilleriya mərmisi, partlayıcı maddə və reaktiv yaylım atəşi qurğusu istehsal olunacaq. Yeni müəssisə ildə 200 min artilleriya mərmisi, həmçinin partlayıcı maddələr və raket qurğularının hissələri istehsal edəcək.
Avropanın bu addımının təkcə İsrail və Ukrayna üçün deyil, gələcək planın bir parçası olduğunu bildirən liderlər NATO-dan əl çəkmədiklərini vurğulayaraq, “Mən tamamilə əminəm ki, NATO ABŞ, Kanada və Avropa ölkələri üçün çox önəmlidir. . Biz çox uzun müddətdir, İkinci Dünya Müharibəsindən bəri əməkdaşlıq edirik və bu, həqiqətən də gələcək üçün yaxşı bir ittifaqdır. “Biz buna sadiqik,”- deyib.
Nuranə Məmmədova
Son şərhlər