Almaniya, İtaliya və bir sıra digər Aİ ölkələri Qəzza zolağındakı vəziyyətlə əlaqədar İsrailə qarşı mümkün sanksiyalara hazırlığı ləngidir.
Elchi.az xəbər verir ki, bu barədə “DPA” agentliyi məlumat verib.
Onun sözlərinə görə, blokun Daimi Nümayəndələr Komitəsi (Coreper) iclas keçirib və həmin iclasda sanksiyalar paketinin qəbulu prosedurunun başlanması ilə bağlı razılığa gəlmək mümkün olmayıb. Agentlik yazır ki, Almaniya, İtaliya və bir sıra digər ölkələrin nümayəndələri görüşdə təşəbbüsü daha da təhlil etmək istədiklərini və həmçinin yaxın günlərdə gələcək inkişafı gözləməyi zəruri hesab etdiklərini bildiriblər. Bundan əlavə, bəzi ölkələr sanksiyaların İsrail hakimiyyəti ilə dialoqu çətinləşdirə biləcəyindən narahatdırlar.
Coreper indi sanksiya təklifi ətrafında texniki məsələləri həll etməlidir, bu prosesin hüquqi mübahisələrlə gecikdirilməsi gözlənilir. Bundan əlavə, agentlik qeyd edir ki, bəzi ölkələr sanksiyaların ümumiyyətlə qəbul oluna biləcəyinə şübhə ilə yanaşır, çünki onlar Aİ əhalisinin 65%-ni təmsil edən ən azı 15 üzv dövlətin səsini tələb edir.
Agentliyin xatırladığı kimi, Avropa Komissiyası bazar ertəsi İsrailin Horizon Europe tədqiqat proqramında iştirakını dayandırmağı tövsiyə edib. AK bu qərarın əsas səbəbi kimi İsrailin Qəzza zolağında, Brüsselin fikrincə, beynəlxalq hüquq və insan haqlarını pozan hərəkətlərini göstərib.
Yeganə
