Türkiyənin milli müdafiə naziri Hulusi Akar Yunanıstanı bölgədə gərginliyi artırmağa yönəlmiş təxribat hərəkətlərini davam etdirməkdə ittiham edib.
Elchi.az “TRT Haber” telekanalına istinadən xəbər verir ki, Akar “Biz sülhə əl uzatsaq da, Yunanıstan gərginliyi daim artıran təxribatçı hərəkətlərini və bəyanatlarını davam etdirməkdə israrlıdır”,-sözlərini deyib.
Türkiyə hesab edir ki, Yunanıstan öz ərazi sularını 6 mildən 12 milə qədər genişləndirsə, Türkiyənin beynəlxalq sulara çıxışını bağlayacaq.
Bundan əvvəl Türkiyənin xarici işlər naziri Mövlud Çavuşoğlu Afinaya Egey dənizindəki ərazi sularının genişləndirilməsi ilə bağlı xəbərdarlıq etmişdi. Onun sözlərinə görə, son bir neçə gündə Yunanıstan mətbuatı Yunanıstanın Krit ətrafındakı ərazi sularının 12 milə qədər genişlənəcəyini, lakin Türkiyənin Egey dənizində yunan sularının bir mil də olsa genişlənməsinə icazə verməyəcəyini yazır. Türkiyə Xarici İşlər Nazirliyinin rəhbəri Ankaranın başlatdığı cinayət işinə toxunaraq bildirib ki, Türkiyə parlamentinin 1995-ci ildə bu məsələ ilə bağlı qərarı aydındır və qüvvədə qalır.
Yeganə
Son şərhlər