Avropa İttifaqı (Aİ) qurumlarının rəhbərləri ABŞ prezidenti Co Baydenlə Ukrayna, Rusiya, iqtisadiyyat və texnologiya məsələlərinin müzakirə olunacağı sammit keçirəcək.
Elchi.az xəbər verir ki, Aİ Şurası oktyabrın 20-də Ağ Evdə ABŞ prezidenti Bayden, Aİ Şurasının sədri Çarlz Mişel və Aİ Komissiyasının sədri Ursula fon der Leyenin iştirakı ilə ABŞ-Aİ Sammitinin keçiriləcəyini açıqlayıb.
Bəyanatda qeyd olunub ki, liderlər Aİ və ABŞ arasında əməkdaşlığı, Ukraynaya dəstəyi və Rusiyaya qarşı nələrin edilməsi lazım olduğunu qiymətləndirəcəklər.
Bəyanatda təhlükəsiz və davamlı təchizat zəncirlərinin yaradılması və qlobal təmiz enerji iqtisadiyyatının sürətləndirilməsi istiqamətində səylərin də müzakirə ediləcəyi, AB ilə ABŞ arasında kritik və inkişaf etməkdə olan texnologiyalar, o cümlədən rəqəmsal infrastruktur və süni intellekt sahəsində əməkdaşlığın müzakirə ediləcəyi qeyd edilib.
Bəyanatda vurğulanıb ki, iqtisadi dayanıqlığın artırılması və çətinliklərə qarşı atılacaq birgə addımlar nəzərdən keçiriləcək.
Əvvəlki Aİ-ABŞ Sammiti 2021-ci ilin iyununda Brüsseldə keçirilib və görüşdə Aİ ilə ABŞ arasında Airbus-Boeing subsidiyaları ilə bağlı ticarət mübahisəsi həll olunub.
2021-ci ilin oktyabr ayında tərəflər 3 ildir davam edən polad və alüminium gömrük rüsumları mübahisəsinə həll yolu tapdılar və yeni qlobal davamlı polad tənzimləməsi üzərində birlikdə işləməyə başladılar.
Şayəstə Hüseynova
Son şərhlər