28 sentyabrda “Azərbaycan Dəmir Yolları” QSC (ADY) ilk dəfə regiondaxili marşrut üzrə sərnişin daşımalarına başlayıb.
ADY-dən Elchi.az -a verilən məlumata görə, bu gündən ilk dəfə xəttə buraxılan müasir elektrik qatarları ilə Gəncə–Mingəçevir–Ağstafa marşrutu üzrə gündə 2 dəfə sərnişinlərə xidmət göstərilir.
Qrafikə əsasən, qatar hər gün saat 05:45-də Gəncədən yola düşərək 06:57-də Mingəçevir şəhər stansiyasına, saat 07:15-də Mingəçevirdən Gəncə–Ağstafa istiqamətində hərəkət edərək 08:26-da Gəncəyə, 09:48-də isə Ağstafaya çatır. Günün ikinci yarısında reyslər saat 16:00-da Ağstafadan başlayır, qatar saat 17:19-da Gəncəyə, 18:36-da Mingəçevir şəhər stansiyasına çatır. Saat 19:00-da Mingəçevirdən yola düşən qatar 20:11-də Gəncədə olur.
Sərnişinlər Mingəçevir, Mingəçevir-baş, Goran, Gəncə, Dəllər, Qovlar, Tovuz və Ağstafa stansiyalarından istifadə edə bilərlər.
Qatarlarda standart, standart+ biznes və birinci siniflər üzrə səyahət imkanları təklif olunur.
Gəncə–Mingəçevir istiqamətində biletlərin minimum qiyməti 2,60 AZN, Mingəçevir–Ağstafa istiqamətində isə 6,80 AZN təşkil edir.
Sərnişinlər səfər zamanı ödənişsiz “Wi-Fi” xidmətindən də yararlana bilərlər.
ADY qatarların təhlükəsiz və fasiləsiz hərəkətinin təmin olunması məqsədilə Mingəçevir sahəsində dəmir yollarında yenidənqurma işləri həyata keçirib. Həmçinin Mingəçevir şəhər stansiyasının binasında təmir işləri aparılıb, gözləmə zalı yenilənib.
Gəncə–Mingəçevir–Ağstafa marşrutunun istifadəyə verilməsi nəticəsində sərnişin daşımalarında nəzərəçarpacaq artım gözlənilir. İlkin qiymətləndirmələrə əsasən, bu marşrut üzrə illik 100 minə yaxın sərnişin daşınacaq.
Gəncə–Mingəçevir–Ağstafa marşrutunun açılması bu istiqamətlərdə səfər edən, Mingəçevir və Gəncə şəhərləri, Tovuz və Ağstafa rayonları, Goran, Dəllər və Qovlar qəsəbələrində yaşayan insanlar üçün nəqliyyatın mobilliyinin təmin edilməsinə, eyni zamanda, Mingəçevir əhalisinin də daha rahat, təhlükəsiz və sərfəli səyahət etməsinə xidmət edəcək. Ümumilikdə yeni marşrutun açılması qeyd edilən bölgələrin sosial-iqtisadi inkişafına, eləcə də “Azərbaycan Respublikasının 2022–2026-cı illərdə sosial-iqtisadi inkişaf Strategiyası”na uyğun olaraq, paytaxt və regionların tarazlı inkişafına dəstək verəcək, o cümlədən Mingəçevir şəhərinin turizm potensialının daha da artırılmasına şərait yaradacaq.
Bu möhtəşəm bir xəbərdi! Nəhayət ki, regiondaxili dəmir yolu xidmətləri də inkişaf edir. Gəncə-Mingəçevir-Ağstafa marşrutunun açılması hər kəs üçün çox rahat olacaq. Yeni qatarların olması da çox sevindirici bir haldır. Allah bərəkət versin!
Elaaa, super xeberdi bu! Axirki regiondaxili daşımalara da əl gəzdiriblər. Gəncə-Mingəçevir-Ağstafa marşrutu çox dadımıza çatacaq, inşəallah. Bir də yeni qatarlar çox rahat olacaq deyəsən, “Wi-Fi” də var, lap eləmişlər. Bu addım ümumiyyətlə, çox gözəldir.
Bu möhtəşəm xəbərə görə təşəkkürlər! Nəhayət ki, regionlararası səfərlər də asanlaşdı. Gəncə-Mingəçevir-Ağstafa marşrutunun açılması çox vacib idi, bu səfərləri daha rahat edəcək. Dəmir yollarına verilən bu əhəmiyyətə görə ADY-yə təşəkkür edirəm. Əslində bu marşrut çoxdan olmalı idi, amma hər şeyin bir vaxtı var.
Çox gözəl xəbərdir! Axı regiondaxili daşımaların başlaması çox lazım idi. Bu marşrutla səyahət etmək də daha asan olacaq, əminəm. Heç gözləmirdim ki, belə tez müasir qatarlar işə düşəcək. Bu, doğrudan da böyük bir inkişafdır.
Əla xəbərdir! Regiondaxili daşımaların başlaması həqiqətən də lazım idi. Qatarlar da çox müasir görünüür, belə sürətli olacağını gözləmirdim. Yəqin ki, artıq rayonlararası səyahət daha asan olacaq, inşallah.