Bundan əlavə, respublikanın qızıl hasilatı sektoru ilə qarşılıqlı fəaliyyətə icazə verilib.
Elchi.az xəbər verir ki, ABŞ Maliyyə Nazirliyi Venesuelanın neft və qaz sektoru ilə əməliyyatlara icazə verən ümumi lisenziya verib.
“ABŞ-ın Maliyyə Nazirliyi Venesuelanın neft-qaz sektoru və qızıl hasilatı sektoru ilə əməliyyatlara icazə verən, həmçinin təkrar ticarətə qoyulan qadağanı aradan qaldıran ümumi lisenziyalar verib”, – departamentin saytında deyilir.
Cənubi Amerika respublikasının neft-qaz sektoru ilə əməliyyatlar üçün lisenziya altı ay müddətində etibarlı olacaq, ABŞ Maliyyə Nazirliyi aydınlaşdırıb. Lakin Venesuela seçkilərin keçirilməsi ilə bağlı öhdəliklərini yerinə yetirərsə, onun qüvvədə olma müddəti uzadıla bilər.
Qızıl hasilatı sektoru ilə qarşılıqlı fəaliyyət üçün ümumi lisenziyaya gəlincə, söhbət Minerven şirkətindən gedir. Bundan əlavə, ABŞ Xəzinədarlığı dövlətə məxsus neft-qaz şirkəti PDVSA-nın bəzi suveren istiqrazları və borc öhdəlikləri və səhmlərinin ticarətinə ikinci dərəcəli qadağanı aradan qaldırır.
Şayəstə Hüseynova
Son şərhlər