ABŞ və İran nüvə danışıqlarının bərpası ilə bağlı Birləşmiş Millətlər Təşkilatının (BMT) Təhlükəsizlik Şurasının iclasında mübahisə etdilər.
Elchi.az xəbər verir ki, ABŞ və İran nüvə danışıqlarının bərpası ilə bağlı Birləşmiş Millətlər Təşkilatının (BMT) Təhlükəsizlik Şurasının iclasında mübahisə etdilər.
ABŞ “sıfır uranın zənginləşdirilməsi” şərti ilə birbaşa danışıqlara hazır olduğunu təkrarlasa da, İran Vaşinqtonun irəli sürdüyü şərtləri ədalətsiz adlandıraraq rədd etdi.
İranın nüvə proqramını müzakirə etmək üçün keçirilən BMT Təhlükəsizlik Şurasının iclası ABŞ və İran nümayəndələri arasında nüvə danışıqlarının bərpası ilə bağlı mübahisəyə səbəb oldu. İclasda çıxış edən ABŞ prezidenti Donald Trampın Yaxın Şərq üzrə xüsusi elçisinin müavini Morqan Ortaqus ABŞ-ın İranla birbaşa və mənalı dialoq üçün rəsmi danışıqlara açıq olduğunu bildirərək əlavə etdi: “Hər şeydən əvvəl, uranın zənginləşdirilməsi İran sərhədləri daxilində baş verə bilməz; bu, bizim əsas prinsipimiz olaraq qalır.”
“İran heç bir təzyiq və təhdidə boyun əyməyəcək”
İranın BMT-dəki daimi nümayəndəsi Əmir Səid İrəvani ABŞ-ın “sıfır zənginləşdirmə” siyasətində israr etməsinin ədalətli danışıqlar konsepsiyası ilə uyğunsuz olduğunu vurğulayaraq bildirib: “Biz istənilən ədalətli və mənalı danışıqları alqışlayırıq. Lakin sıfır zənginləşdirmə siyasətində israr etmək Nüvə Silahlarının Yayılmaması Müqaviləsinin (NPT) üzvü kimi hüquqlarımıza ziddir. Bu vəziyyət qarşı tərəfin ədalətli danışıqlar aparmadığını göstərir”. ABŞ-ın İrana tələblərini diktə etməyə çalışdığını qeyd edən İrəvani əlavə edib ki, “İran heç bir təzyiq və təhdidə boyun əyməyəcək”.
Şayəstə
