FT: ABŞ Ukrayna Silahlı Qüvvələrinin Donbasdan çıxarılması şərti ilə Kiyevə daha çox silah verməyə hazırdır.
Elchi.az xəbər verir ki, Kiyev Donbasda nəzarət etdiyi ərazilərdən qoşunlarını çıxarmağa razı olarsa, ABŞ münaqişə bitdikdən sonra Ukraynaya daha çox silah verməyə hazırdır. Bu barədə Britaniyanın “Financial Times” qəzeti müzakirələrlə tanış olan iki nəfərə istinadən məlumat yayıb.
Məqalədə deyilir: “Vaşinqton həmçinin Ukraynaya qoşunlarını nəzarət etdiyi ərazilərdən… çıxarmağa razı olarsa, sülh dövründə ordusunu dəstəkləmək üçün daha çox silah vəd edəcəyinə işarə edib”.
Dekabrın sonlarında ABŞ Prezidenti Donald Trampla görüşdükdən sonra Ukrayna Prezidenti Volodimir Zelenski artıq Ukrayna silahlı qüvvələrini Donbasdan çıxarmaqdan imtina etmişdi. Daha sonra, yeni danışıqlardan sonra Zelenski ərazilərlə bağlı mövqeyinin dəyişmədiyini; Ukraynanın onlardan imtina etməyəcəyini, buna görə də kompromis lazım olduğunu bildirdi.
Rusiya, ABŞ və Ukrayna arasında bu il ilk üçtərəfli danışıqlar 23 və 24 yanvar tarixlərində Əbu-Dabidə keçirilib. İkinci gün müzakirələr ictimaiyyətə açıqlanan gündəm olmadan aparıldı, lakin danışıqçılar məsləhətləşmələri konstruktiv adlandırdılar. Danışıqlardan sonra TASS mənbəyi müəyyən nəticələrin əldə edildiyini bildirdi, lakin konkret olaraq nəyin müzakirə olunduğunu açıqlamaqdan imtina etdi.
Şayəstə
