Ukrayna və İsrailə əlavə maliyyə yardımı tələbi ABŞ Senatında dramatik dəyişikliklərlə və ya hətta blokada ilə üzləşə bilər.
Elchi.az xəbər verir ki, bu barədə “Politico” qəzeti öz mənbələrinə istinadən məlumat yayıb.
Onların fikrincə, qanunverici orqanın yuxarı palatasında Ukrayna və İsrailə əlavə böyük hərbi yardım tələbinin bəzi tərəfdarları təşəbbüsün gələcəyi ilə bağlı “qeyri-səciyyəvi şəkildə bədbindir”. Senatda təkliflə bağlı fikir ayrılığı onun bloklanması və ya köklü şəkildə dəyişdirilməsi ilə hədələyir. Respublikaçılar İsrail və Ukraynaya yardımı bir paketə daxil edib-etməmək barədə mübahisə edirlər. Kiyevə daha çox yardım göndərilməsi Respublikaçılar Partiyası daxilində parçalanmalara səbəb olmaqda davam edir, bəzi üzvlər Senatın İsrailə yardımı ayrıca nəzərdən keçirməsini istəyir. Bir çox qanunvericilər də maliyyələşmədə böyük dəyişikliklərin edilməsini tələb edirlər.
Nəşrin xatırladığı kimi, Senata demokratlar nəzarət edir, lakin prosedur səslərindən birinin keçməsi üçün təşəbbüsün doqquz və ya daha çox respublikaçı səsinə ehtiyacı olacaq.
Nuranə Məmmədova