ABŞ-da koronavirusla bağlı tədbirlər mayın 11-də başa çatacaq. Mayın 11-dən etibarən ölkəyə immiqrant axınının qarşısını almaq üçün tədbirlər görülüb. Bu çərçivədə Meksika sərhədinə əlavə 1500 əsgər göndəriləcək.
Elchi.az xəbər verir ki, Koronavirus tədbirləri səbəbindən ABŞ-da immiqrantların keçidini məhdudlaşdıran 42-ci maddənin müddəti mayın 11-də başa çatır.
Mayın 11-dən sonra Meksika sərhədini keçməyə çalışanların sayında artım gözlənilir.
Mühacir axınına qarşı Bayden administrasiyası sərhədə 1500 aktiv əsgər göndərməyi planlaşdırır.
Müdafiə naziri Lloyd Austin Daxili Təhlükəsizlik Departamentinin tələbi ilə sərhədə 1500 hərbçi göndərilməsini təsdiqləyib.
Əsgərlər 90 gün ərzində Meksika sərhədində yerləşdiriləcək.
Amerika mediası son günlər cənub sərhədindən ölkəyə 7 minə yaxın qeyri-qanuni miqrantın gəldiyini yazıb.
Yaxın günlərdə bu rəqəmin daha da artacağı gözlənilir.
Şayəstə Hüseynova
Son şərhlər