ABŞ prezidenti Co Bayden administrasiyası Kubanı terrorla mübarizədə tam əməkdaşlıq etməyən ölkələr siyahısına daxil edib.
Elchi.az News.am-a istinadən bildirir ki, bu, Havananın kəskin reaksiyasına səbəb olub.
ABŞ-ın Federal Reyestrində dərc olunan bildirişdə dövlət katibi Entoni Blinken Kubanı İran, Şimali Koreya, Venesuela və Suriya ilə yanaşı, ABŞ-ın məsələ ilə bağlı gözləntilərini doğrultmayan beş ölkə sırasına daxil edib.
“Bununla mən Konqresə əmr edirəm və təsdiq edirəm ki, aşağıdakı ölkələr ABŞ-ın antiterror səyləri ilə tam əməkdaşlıq etmir: Kuba, KXDR (KXDR və ya Şimali Koreya), İran, Suriya və Venesuela”, – deyə Blinken yazıb.
Dövlət Departamenti qanunla bu siyahını hər il ABŞ Konqresinə təqdim etməlidir.
Kubanın xarici işlər naziri Bruno Rodriqes bu qərarına görə Vaşinqtonu kəskin tənqid edib.
“Vaşinqtondan Kubaya qarşı saxta terror ittihamları irəli sürülməkdə davam edir. Bu, ABŞ-ın peşman olmadan törətdiyi və vicdansızcasına siyasi məcburiyyət vasitəsi kimi istifadə etdiyi iyrənc cinayətdir”, – deyə Rodriqes Tvitter hesabında yazıb.
Yeganə
Son şərhlər