Belarus prezidenti Aleksandr Lukaşenko ilk dəfə səhhəti ilə bağlı şayiələrə münasibət bildirib. Qeyd edək ki, ötən həftə onun xəstə olduğu məlum olub.
Elchi.az Vesti.ru-ya istinadən xəbər verir ki, A.Lukaşenko aktual sağlamlıq problemlərinə həsr olunmuş görüş zamanı qeyd edib ki, onun səhhəti ilə bağlı şayiələr teleqram kanallarında boş spekulyasiyadan başqa bir şey deyil.
Belarus liderinin sözlərinə görə, o, adenovirus xəstəsi olub.
Lukaşenko ölmək fikrində olmadığını bildirib:
“Mənim müalicə olunmağa vaxtım yox idi. Moskvaya, sonra iməciliklərə, sonra Qrodnoya, sonra Qomelə getməliyəm, bütün bunlar yığılıb. Ona görə də mən ölməyəcəyəm. Siz hələ çox uzun müddət əzab çəkəcəksiniz”.
Yeganə
Son şərhlər