28 fevralda başlayan ABŞ-İsrail hücumlarından sonra internetdə müsəlman əleyhinə (İslamofobiya) məzmunda artım müşahidə olunub.
Elchi.az xəbər verir ki, ABŞ-da yerləşən Mütəşəkkil Nifrət Araşdırmaları Mərkəzi (CSOH) tərəfindən dərc edilən hesabatda 1 yanvar-5 mart tarixləri arasında ABŞ-da yerləşən X sosial media şirkəti üzərində edilən paylaşımlar təhlil edilib.
Buna görə, hücumların başladığı 28 fevraldan 5 marta qədər platformada “dəhşətli, zorakı və ya təcridedici dil” ehtiva edən ümumilikdə 25.348 müsəlman əleyhinə paylaşım qeydə alınıb.
Bu məlumatlara təkrar paylaşımlar daxil edildikdə, qeydlərin sayı 279.417-yə çatıb.
Hesabatda bildirilir ki, bir çox paylaşımda müsəlmanlar alçaldıcı ifadələrlə təsvir edilib və paylaşımlar arasında müsəlmanların deportasiyası, konsentrasiya düşərgələrinə göndərilməsi və ya kollektiv cəzalandırılması çağırışları da var. Tədqiqatçılar hücumlarla bağlı siyasi müzakirələrin bu artıma töhfə verdiyini vurğulayıblar. Hesabatda qeyd olunur ki, bəzi yüksək vəzifəli ABŞ administrasiyasının rəsmiləri və Konqres üzvləri münaqişələri dini baxımdan şərh ediblər. ABŞ-ın İsraildəki səfiri Mayk Hakabi amerikalı jurnalist Taker Karlsonla müsahibəsində İsrailin Qəzzada törətdiyi soyqırımda uşaqların öldürülməsini və “Tövrata əsaslanan Böyük İsrail” ideyasını müdafiə etdi.
Hakabi iddia etdi ki, İsrailin Nil çayından Fərat çayına qədər uzanan bölgəyə “Tövrata əsaslanan hüququ” var və əlavə etdi: “Hamısını götürsəydilər, yaxşı olardı”. Xarici işlər naziri Marko Rubio da mətbuat açıqlamasında İran rejimini nüvə silahına sahib olmaq ambisiyası olan “dini fanatiklər” kimi təsvir etdi.
Şayəstə
