İddia edilir ki, ABŞ İranla davam edən nüvə danışıqlarının bir hissəsi olaraq əvvəlki sazişlərdəki məhdudiyyətlərin qeyri-müəyyən müddətə qüvvədə qalmasını istəyir.
Elchi.az xəbər verir ki, Axios xəbər saytının ABŞ rəsmisinə və məsələ ilə tanış olan iki mənbəyə əsaslanan məlumatına görə, Prezident Donald Trampın administrasiyası İranla hər hansı bir nüvə sazişinin “qeyri-müəyyən müddətə” qüvvədə qalmasını istəyir.
Mənbələr iddia edir ki, Trampın Yaxın Şərq üzrə xüsusi nümayəndəsi Stiv Vitkoff şəxsi görüşdə İranın əhəmiyyətli nüvə məhdudiyyətlərinin sona çatması tarixini özündə əks etdirməyən bir saziş imzalaması ideyasını dilə gətirib.
Məlumata görə, Vitkoff bildirib ki, ABŞ yanaşması İranın nüvə silahı istehsal etməməyə daimi sadiq qalması zərurətinə əsaslanır və bu, zamana əsaslanan məhdudiyyətləri faktiki olaraq istisna edir.
Bu məlumatın ortaya çıxması İran və ABŞ nümayəndə heyətlərinin İsveçrənin Cenevrə şəhərində dolayı nüvə danışıqlarının üçüncü raundunu keçirməsindən bir gün əvvələ təsadüf edir.
Tramp keçmiş prezident Barak Obama administrasiyası dövründə müzakirə edilən və İranın nüvə proqramına qoyulan məhdudiyyətlərin 8 ildən 25 ilə qədər müddət ərzində tədricən aradan qaldırılmasını nəzərdə tutan müqaviləni tənqid etdi.
ABŞ prezidenti ilk səlahiyyət müddətində Obamanın imzaladığı müqavilədən geri çəkildi və iddia etdi ki, İranın nüvə proqramı ilə bağlı məsuliyyətlərini müəyyən bir müddət ərzində məhdudlaşdırmaq verilən vədlərin daimi olmaması deməkdir.
Şayəstə
