Birləşmiş Ştatlar İranla razılaşdırılmış məhbus mübadiləsini həyata keçirmək üçün İranın Cənubi Koreyada saxladığı təxminən 6 milyard dollarlıq aktivlərinin istifadəsinə sanksiyalardan azad etdi.
Elchi.az xəbər verir ki, Associated Press-in əldə etdiyi sənədlərə görə, ABŞ-ın dövlət katibi Antoni Blinken keçən həftə sanksiyalardan azad edilməsi sənədini imzalayıb.
İstisna çərçivəsində Cənubi Koreyada bloklanmış neft gəlirlərinin təxminən 6 milyard dolları ilə edilən əməliyyatlar ABŞ sanksiyalarından təsirlənməyəcək.
Sözügedən güzəştin İranda saxlanılan 5 ABŞ vətəndaşının azadlığa buraxılması müqabilində verildiyi bildirilib.
Vəsaitlər İranın ABŞ sanksiyalarına məruz qalmadan ərzaq və dərman kimi əsas humanitar ləvazimatların alınması üçün istifadə oluna bilər.
Bu istisna ilə Avropa, Yaxın Şərq və Asiyadakı banklar İranın Cənubi Koreyadakı aktivlərindən istifadə edərkən və ya bu pulları Qətər Mərkəzi Bankına köçürərkən ABŞ sanksiyalarına məruz qalmayacaq.
Konqresə azadolma barədə bazar ertəsi məlumat verilib.
Şayəstə Hüseynova
Son şərhlər