Taksi sifarişi və qida çatdırılması xidmətləri göstərən Amerikanın “Uber Technologies Inc.” şirkəti idarəetmə pillələrinin azaldılmasına yönəlmiş miqyaslı yenidənqurma çərçivəsində qlobal işçi heyətini 3,3 min nəfər və ya təxminən 10% ixtisar etmək niyyətindədir.
Elchi.az-ın məlumatına görə, “Uber”in baş icraçı direktoru Dara Xosrovşahi əməkdaşlara ünvanladığı məktubda bildirib ki, yenidənqurma zamanı şirkətdəki menecerlərin sayı 20% azalacaq. Məktub “Bloomberg” agentliyinin sərəncamına daxil olub.
Şirkət bir və ya iki əməkdaşdan ibarət komandaların sayını yarıbayarı azaldacaq və müəyyən şöbələri birləşdirəcək.
Ixtisarlar nəticəsində qənaət olunan vəsaiti şirkət əsas istiqamətlər üzrə biznesin artırılmasına, habelə sürüclərin, kuryerlərin və satıcıların əməkhaqqının artırılmasına yönəldəcək.
Çərşənbə günü keçirilən ilkin hərraclarda “Uber”in səhmləri 2% bahalaşır. İlın əvvəlindən şirkətin kapitallaşması 7,9% azalaraq 153,7 milyard dollara düşüb.
Məryəm
