ABŞ Prezidenti Donald Trampın fəaliyyətini bəyənənlərin səviyyəsi 33%-ə – onun siyasi karyerası ərzindəki ən aşağı həddə enib.
Elchi.az xəbər verir ki, bu məlumat “Reuters” və “Ipsos”un birgə keçirdiyi sorğuya əsaslanır.
Bu, amerikalıların yalnız üçdəbirinin Trampın fəaliyyətini bəyəndiyini göstərən ardıcıl üçüncü sorğudur. Onun reytinqi Co Bayden üçün qeydə alınmış ən aşağı göstəricidən – 2024-cü ilin oktyabrında müşahidə edilən 35%-dən – daha aşağı səviyyəyə düşüb.
“Reuters”in məlumatına görə, amerikalıların narazılığı ilk növbədə iqtisadi vəziyyət və İranla müharibə ilə bağlıdır. Xüsusilə, benzin qiymətlərinin artması inflyasiya ilə bağlı ictimai narahatlığı gücləndirib.
Bu fonda, Tramp daha əvvəl “Truth Social” platformasında ABŞ prezidentləri ilə bağlı öz reytinqini paylaşmışdı. O, özünü ayrıca “Ən Böyük” kateqoriyasına aid etmiş, Abraham Linkoln, Corc Vaşinqton, Franklin Ruzvelt, Vudro Vilson, Tomas Cefferson və Endryu Ceksonu isə böyük Amerika liderləri siyahısına daxil etmişdi.
Yeganə
