Kolumbiyanın qərbində və mərkəzində yerləşən Tolimada tüğyan edən meşə yanğınları səbəbindən Prezident Abelardo de la Espriella fövqəladə vəziyyət elan etmək qərarına gəlib.
Elchi.az xəbər verir ki, mətbuata danışan De la Espriella bildirib ki, meşə yanğınlarından ən azı 50.000 hektar ərazi təsirlənib, bunun 28.000 hektarı kənd təsərrüfatı və heyvandarlıq sahələridir.
O, meşə yanğınlarına havadan və qurudan “intensiv şəkildə” cavab verdiklərini söyləyib və əlavə edib: “Tolima tarixinin ən çətin dövrlərindən birini yaşayır və hökumətin reaksiyası təcili, hərtərəfli və qətiyyətli olub. 2660 istehsalçı mənfi təsirlənib, təxmini ziyan 134 milyard peso təşkil edir, 163.000 heyvan qida və su çatışmazlığı səbəbindən təhlükə altındadır və 23 rayonda və 507 kənd məhəlləsində ziyan baş verib.” De la Espriella yanğınların yaratdığı ekoloji fəlakətə qarşı fövqəladə vəziyyət elan etdiklərini və milli hökumətin Tolima üçün ətraf mühit, istehsal və təhlükəsizlik aspektlərini əhatə edən xüsusi bərpa planı həyata keçirəcəyini bildirdi. İstehsalçılara lazımi dəstəyin veriləcəyini vurğulayan De la Espriella qeyd etdi: “Biz təkcə yanğınları söndürməyəcəyik; alovların dağıtdığı hər şeyi bərpa edəcəyik, Tolima kəndini dirçəldəcəyik və kəndlilərimizin istehsalı bərpa etməsinə imkan verəcəyik. Alovlar söndürüldükdə, Tolimanı taleyinə buraxmayacağıq; kənd yerlərini, istehsalı və hər kəs üçün imkanları yenidən qurana qədər bölgədə qalacağıq.”
Şayəstə
