Ədalət, Hüquq, Demokratiya (ƏHD) Partiyasının sədri, millət vəkili Qüdrət Həsənquliyev Moderator.az-a açıqlamasında İranda bəzi millətçi qrupların Xəzər dənizinin adının dəyişdirilməsi ilə bağlı təşəbbüslərinə münasibət bildirib.
Deputat qeyd edib ki, İran hazırda üzləşdiyi ciddi problemlərin həllinə və qonşuları ilə münasibətlərdə sülhün qorunmasına diqqət yetirməlidir.
İran sanksiyaların aradan qaldırılması, sosial ədalətin təmin edilməsi və azad bazar iqtisadiyyatına əsaslanan hüquqi dövlət qurulması istiqamətində səy göstərməlidir.
Xəzər dənizinin necə adlandırılması heç nəyi dəyişmir və İranın daha ciddi məsələlərlə məşğul olması daha məqsədəuyğundur”.
Qeyd edək ki, İranda özünü “İranşəhri” ideologiyasına bağlı hesab edən bəzi fars millətçi qruplar Xəzər dənizinin adının dəyişdirilməsi ilə bağlı kampaniya başladıb. Kampaniya çərçivəsində dənizin “Kaspi” və ya “Mazandaran” adlandırılması təklif olunur.
Bu təşəbbüs tarixi-coğrafi adların siyasi və ideoloji müstəvidə müzakirəyə çıxarılmasını yenidən gündəmə gətirib. Eyni zamanda, belə yanaşmaların tarixi irsin təqdimatına və regionda qonşuluq münasibətlərinə mümkün təsirləri ilə bağlı müzakirələr aparılır.
