Tehran Fars körfəzi ölkələrinin ABŞ ilə növbəti əməkdaşlığını İranın milli təhlükəsizliyinin sarsıdılmasına yönəlmiş fəaliyyət kimi nəzərdən keçirəcək.
Elchi.az xəbər verir ki, bu barədə İran Silahlı Qüvvələrinin “Xatəm əl-Ənbiyə” mərkəzi qərargahının nümayəndəsi İbrahim Zülfüqari bəyan edib.
“Region ölkələrinin rəhbərlərinə xəbərdarlıq edilir: ABŞ ilə hər hansı əməkdaşlıq və bu ölkənin silahlı qüvvələrinə logistik dəstək göstərilməsi İranın suverenliyi və milli təhlükəsizliyinin sarsıdılmasına yönəlmiş addımlar kimi qiymətləndiriləcək. Münaqişə daha da kəskinləşəcəyi təqdirdə, müharibə alovu bütün region ölkələrini bürüyəcək”, — deyə o bildirib. Zülfüqarinin sözlərinə görə, məhz regionun bəzi ölkələrinin əməkdaşlığı müharibənin bütün bölgəyə yayılma riskinin artmasına səbəb olub.
Məryəm
