ABŞ Prezidenti Donald Trampın administrasiyası münaqişənin gedişatına nəzarəti itirməkdən ehtiyat edərək, İsrailin İranla yeni hərbi əməliyyatlar mərhələsində iştirak etməsini istəmir.
Elchi.az xəbər verir ki, bu barədə “CNN” telekanalı iki İsrail mənbəyinə istinadən məlumat yayıb.
Telekanalın həmsöhbətlərindən birinin sözlərinə görə, İsrailin Baş naziri Benyamin Netanyahu Amerikanın zərbələrinə qoşulmaq istərdi, lakin Vaşinqton hazırda İsrailin hərbi əməliyyatlara cəlb olunmasının əleyhinədir. Ağ Ev hələlik bu məlumatı şərh etməyib.
Bununla belə, İsrailin müdafiə naziri İsrael Kats daha əvvəl bəyan edib ki, İsrail Müdafiə Ordusu zərurət yaranacağı təqdirdə İrana qarşı hərbi əməliyyatları müstəqil şəkildə bərpa etməyə hazırdır. “CNN” mənbələrindən birinin məlumatına görə, İsraildə hesab edirlər ki, Tramp tammiqyaslı müharibəyə qayıtmaqda maraqlı deyil və ən kəskin tədbir kimi yalnız İran limanlarının dəniz blokadasının bərpasına razılıq verə bilər.
Məryəm
