Rutte: NATO Moskva ilə danışıqlardan əvvəl Kiyevi mümkün qədər güclü etməlidir.
Elchi.az xəbər verir ki,Financial Times (FT) qəzetinin məlumatına görə, NATO-nun baş katibi Mark Rutte bildirib ki, alyans “bir gün” başlayacaq Rusiya ilə mümkün danışıqlardan əvvəl Ukraynanı mümkün qədər güclü etməlidir.
Rutte aydınlıq gətirib ki, Ukrayna Rusiya ilə münaqişədə müəyyən uğurlar göstərir və bunu ABŞ prezidenti Donald Tramp Ağ Evdə Rutte ilə görüşündə etiraf edib.
“Bizim edə biləcəyimiz şey Ukraynanı bu mübarizədə dəstəkləmək və onun mümkün qədər güclü olduğundan əmin olmaqdır.
Putin [danışıqlara] gəlmək istəyib-istəmədiyinə qərar verməlidir”, – alyansın baş katibi bildirib. Bir gün əvvəl “Frankfurter Allgemeine Zeitung” qəzeti Türkiyədə keçiriləcək qarşıdan gələn alyans sammitinə hazırlıq məqsədilə NATO ölkələrinin 2027-ci ilə qədər Kiyevə hərbi yardım üçün uzunmüddətli öhdəliklər barədə razılığa gələ bilmədiyini və İtaliyanın razılaşmaya qarşı çıxdığını bildirmişdi.
Alyans 2026-cı ilə qədər Kiyevə 70 milyard avroluq hərbi dəstək barədə razılığa gəldi, lakin növbəti il alyans ölkələri razılığa gələ bilmədilər.
Şayəstə
