Çərşənbə axşamı gecəsi milli dəmir yolu şəbəkəsindəki rabitə sistemindəki nasazlıq səbəbindən Almaniyada bütün qatar xidmətləri dayandırıldı və minlərlə sərnişin stansiyalarda qalıb.
Elchi.az xəbər verir ki, Almaniyanın milli dəmir yolu şirkəti Deutsche Bahn, qatar sürücüləri ilə nəqliyyatın idarə olunması mərkəzləri arasında rabitəni təmin edən GSM-R rəqəmsal radio şəbəkəsindəki texniki nasazlıq səbəbindən ölkə daxilindəki bütün qatarların stansiyalarda saxlanıldığını açıqladı.
Sistemdəki nasazlıq şəhərlərarası yüksək sürətli qatarlara, eləcə də regional xətlərə və Berlindəki şəhərətrafı qatar şəbəkəsinə mənfi təsir göstərdi.
Xidmətlər tədricən bərpa edildi
Nəsazlıqdan sonra sərnişinlər qatar stansiyalarındakı məlumat masalarında uzun növbələr yaratdılar və alternativ marşrutlar axtarıldı.
Deutsche Bahn rəsmiləri, qalan sərnişinlərə taksi və otel vauçerlərinin paylanacağını və uyğun stansiyalardakı qatarların gözləmə zonaları kimi istifadə üçün açılacağını açıqladılar. Şirkətin İT mütəxəssislərinin intensiv işi sayəsində rabitə sistemindəki problem nasazlıqdan təxminən iki saat yarım sonra həll edildi. Deutsche Bahn rəsmiləri açıqlamalarında nasazlığın mənbəyi barədə ətraflı məlumat verməsələr də, sistemin ehtiyat təcili mexanizmlə sabitləşdirildiyini və xidmətlərin səhər saatlarından etibarən tədricən bərpa olunduğunu bildiriblər. Bununla belə, ölkə daxilində xətlərdə gecikmələrin və ləğvlərin gün ərzində davam edə biləcəyi bildirilib.
Şayəstə
