İran prezidenti Məsud Pezeşkian ABŞ ilə imzalanmış anlaşma memorandumunu paylaşaraq bildirib: “Bu, güclü İrandan tarixi sənəd və mesajdır. Sülh qarşılıqlı hörmətin kölgəsində əldə ediləcək”.
Elchi.az xəbər verir ki, Pezeşkian özünün, ABŞ prezidenti Donald Trampın və vasitəçi Pakistanın Baş naziri Şahbaz Şərifin imzaladığı ABŞ ilə imzalanmış anlaşma memorandumunu X sosial media hesabında paylaşıb. Mesajında Pezeşkian bildirib:
“Bu, güclü İrandan tarixi sənəd və mesajdır. Sülh qarşılıqlı hörmətin kölgəsində əldə ediləcək. İran İslam Respublikası şərəf və müstəqilliyini, tərəqqisini və regional əməkdaşlığını qoruyaraq həmişə qlobal sülhə sadiqdir. Bu mətn heç bir təhdid və təzyiq altında şərəf və müstəqilliyindən əl çəkməyən bir millətin səsini əks etdirir. Bu gün qeydə alınanlar milli müqavimətin, siyasi rasionallığın və məsuliyyətli diplomatiyanın nəticəsidir”.
İran-ABŞ sazişi
İran və ABŞ 14 iyunda Pakistanın vasitəçiliyi ilə döyüşlərin dayandırılması və tərəflər arasındakı problemləri danışıqlar yolu ilə həll etmək üçün 14 maddəlik razılaşma əldə etdiklərini açıqladılar. “İslamabad Memorandumu” kimi tanınan bu anlaşma memorandumu İran Prezidenti Məsud Pəzəkyan və ABŞ Prezidenti Donald Tramp tərəfindən 18 iyunda rəqəmsal şəkildə imzalandı və qüvvəyə mindi.
Saziş Livan da daxil olmaqla müharibənin dayandırılması, Hörmüz boğazının açılması və ABŞ-ın İrana qarşı dəniz blokadasının qaldırılması kimi müddəaları əhatə edir.
Anlaşma memorandumunun imzalanmasından sonra tərəflərin İranın nüvə proqramı və sanksiyaların ləğvi kimi məsələlərdə yekun razılığa gəlmək üçün qısa müddətdə 60 günlük danışıqlar prosesinə başlaması gözlənilir.
Şayəstə
