Məlumata görə, həftəsonu Çinin cənub-qərbindəki Çunçin əyalətində baş verən daşqınlarda ölənlərin sayı 9-a çatıb.
Elchi.az xəbər verir ki, Sinxua xəbər agentliyinin məlumatına görə, 23 may gecəsi başlayan və ertəsi gün səhərə qədər davam edən güclü yağışların olduğu Yonçuan qraflığında axtarış-xilasetmə əməliyyatları davam edir.
İndiyə qədər 1827 işçinin iştirak etdiyi axtarış-xilasetmə əməliyyatlarında 9 cəsəd tapılıb, 11 nəfər isə hələ də itkin düşüb.
Qraflıqda daşqınlardan zərər çəkənlər üçün yaradılmış 42 müvəqqəti sığınacağa 2141 nəfər yerləşdirilib.
Daşqınlar səbəbindən fövqəladə vəziyyət elan edilib
Mövsümi cəbhə yağışlarının yaratdığı güclü yağışlar Çunçinin bir çox bölgəsində daşqınlara səbəb olub.
Daşqınlar səbəbindən Yonçuan qraflığında 1-ci səviyyəli, 29 qraflıq və qəsəbədə 2-ci səviyyəli, 9 qraflıq və qəsəbədə isə 3-cü səviyyəli fövqəladə vəziyyət elan edilib.
22 rayon və qəsəbədə çaylarda suyun səviyyəsinin təhlükə həddini aşdığı əyalətdə axtarış-xilasetmə və fəlakətlərin nəticələrinin aradan qaldırılması işləri davam edir.
Şayəstə
