OpenAI süni intellekt şirkəti, texnologiyasının 80 illik bir riyazi problemi uğurla həll etdiyini və bununla da düşüncə qabiliyyətlərində yeni bir mərhələnin başladığını açıqladı.
Elchi.az xəbər verir ki, ChatGPT-nin arxasında duran şirkət, 1946-cı ildə macar riyaziyyatçısı Paul Erdős tərəfindən irəli sürülən “müntəzəm vahid məsafə problemi”ndə əhəmiyyətli bir irəliləyiş elan etdi.
Erdős tərəfindən verilən sual sadə məntiqə əsaslanır: Bir kağız parçasına müəyyən sayda nöqtə qoyulduqda, bir-birindən tam eyni məsafədə neçə cüt nöqtə ola bilər?
Erdős, bu cütlərin sayının nöqtələrin sayından yalnız bir qədər daha sürətli artacağını irəli sürdü. Lakin OpenAI modeli, riyaziyyatın müxtəlif qollarından istifadə edərək, Erdős fərziyyəsindəki limiti aşan tamamilə yeni bir tənzimləmə ailəsini kəşf etdi və beləliklə, bu nəzəriyyəni təkzib etdi.
Kvadrat şəbəkə fərziyyəsi pozuldu
OpenAI sosial media platforması X-də elan etdi:
“Təxminən 80 ildir ki, riyaziyyatçılar ən yaxşı mümkün həllərin təxminən kvadrat şəbəkələrə bənzədiyinə inanırdılar. OpenAI modeli bu inancı təkzib etdi və daha yaxşı işləyən tamamilə yeni bir tənzimləmə ailəsini kəşf etdi.”
Bu inkişaf riyazi dünyada böyük həyəcan yaratsa da, ümumi problem hələ tam həll olunmuş hesab edilmir. Nöqtə cütlüklərinin sayının nə qədər tez artdığına qəti və yeni bir cavab tapmaq əvəzinə, süni intellekt yalnız Erdöş tərəfindən təklif edilən yuxarı həddin çox aşağı olduğunu sübut etdi.
Şayəstə
