Pakistanın şimal-qərbindəki Cənubi Vəziristanda bazarda baş verən partlayış nəticəsində üç nəfər ölüb, dörd nəfər yaralanıb.
Elchi.az xəbər verir ki, Polis bildirib ki, Əfqanıstan sərhədinə yaxın qəbilə ərazisi olan Xayber Paxtunxva əyalətində, Cənubi Vəziristanın paytaxtı Vanada bir bazarda baş verən hücumda əldəqayırma partlayıcı qurğudan istifadə edilib.
Cənubi Vəziristan Polis Rəisi Məhəmməd Tahir bildirib ki, avtomobili hədəf alınan Əhmədzai qəbiləsinin lideri də daxil olmaqla üç nəfər ölüb, dörd nəfər yaralanıb.
Tahir əlavə edib ki, hadisə ilə bağlı araşdırma başlanıb.
Bölgə əhalisinin 60 faizindən çoxunu təşkil edən Əhmədzai qəbiləsinin liderini hədəf alan hücuma görə hələlik heç kim məsuliyyəti öz üzərinə götürməyib.
Şayəstə
