“Ermənistanın Kollektiv Təhlükəsizlik Müqaviləsi Təşkilatından (KTMT) yekun olaraq çıxması şəraitdən asılıdır”.
Elchi.az xəbər verir ki, bu sözləri Ermənistanın baş naziri Nikol Paşinyan jurnalistlərlə görüşü zamanı deyib.
“De-yure və daimi olaraq geri çəkilib-çəkilməməyimiz başqa məsələdir. Hələlik bunu deyə bilmərəm. Ona görə də vəziyyətə uyğun hərəkət edəcəyik”, – o deyib.
Paşinyan onu da təkrarlayıb ki, onun seçki platformasında Ermənistanın təşkilata üzvlüyünün dondurulması ilə bağlı addımlar yer almayıb. Baş nazir Ermənistanı belə bir addım atmağa hansı şəraitin vadar edə biləcəyini açıqlamayıb.
Aprelin 1-də Rusiya prezidenti Vladimir Putinlə görüşdə Nikol Paşinyan Ermənistanın KTMT-də iştirak etməməsinin səbəbini açıqlayıb. O, bunun Qarabağ böhranı zamanı assosiasiyanın reaksiya verməməsini ölkə vətəndaşlarına izah edə bilməməsi ilə bağlı olduğunu bildirib.
Yeganə
