İspaniya Baş naziri Pedro Sançezin həyat yoldaşı Maria Beqona Qomez Fernandezlə bağlı davam edən istintaqda gərginlik artıb. İfrat sağçı Hazte Oir Assosiasiyası Qomezin nüfuz alveri və korrupsiya ittihamları ilə mühakimə olunmasını tələb edib və potensial olaraq 24 illik həbs cəzası ilə üzləşib.
Elchi.az xəbər verir ki, İspaniya Baş naziri Pedro Sançezin həyat yoldaşı Maria Beqona Qomez Fernandezi dörd ayrı korrupsiya ittihamı ilə ittiham edən ifrat sağçı Hazte Oir Assosiasiyası Beqona Qomez üçün 24 illik həbs cəzası tələb edib.
Hatte Oir iddia edir ki, “Sançez baş nazir olduqdan sonra həyat yoldaşı siyasi gücündən öz mənafeyi naminə hərəkət etmək üçün istifadə edib” və Beqona Qomez üçün “nüfuzdan sui-istifadə, biznesdə korrupsiya, mənimsəmə və vəzifə səlahiyyətlərindən sui-istifadə” ittihamları ilə 24 illik həbs cəzası tələb edir. İfrat sağçı və ultra-katolik baxışları ilə tanınan Hazte Oir, Baş nazirin ofisi tərəfindən Begona Gomezə köməkçi təyin edilən Kristina Alvarezin 22 il, iş adamı Juan Carlos Barrabesin isə 6 il müddətinə azadlıqdan məhrum edilməsini istəyib. Məhkəməyə təqdim etdiyi ittiham aktında Hazte Oir iddia edib ki, Pedro Sançez 2018-ci ildə Baş nazir olandan bəri Begona Gomezin “həm dövlət, həm də özəl sektora təsir göstərmək baxımından korporativ profili artıb, o, şəxsi əlaqələr vasitəsilə böyük şirkətlərin rəhbərlərinə çata bilib və dövlət resurslarından və imkanlarından özəl, peşəkar, kommersiya və ya akademik məqsədlər üçün istifadə etmək imkanı əldə edib”.
Şayəstə
