“Azərbaycanda mütəxəssislər suallar hazırlayarkən qarşı tərəfi çaşdırmağa çalışır, nəinki onu ölçmək. Bu, dəyişməlidir. Biz bunu Müəllimlərin İşə Qəbul imtahanlarında da müşahidə edirik”.
Elchi.az xəbər verir ki, bunu elm və təhsil naziri Emin Əmrullayev Bakıda keçirilən “Qiymətləndirmə Sistemləri: Etimad, Şəffaflıq və İnnovasiya” adlı beynəlxalq konfransda deyib.
“Bu, çox vacib məsələdir və problem qurumların deyil, ümumilikdə Azərbaycan pedaqogikasında mövcud olan yanaşmanın dəyişməsini tələb edir.
Zəkanın ölçülməsi vacibdir. İnanıram ki, imtahanlarda bu dəyişikliklər həyata keçirilməlidir”, – nazir qeyd edib.
