İran ABŞ Prezidenti Trampın elan etdiyi iki həftəlik atəşkəsi qəbul etdiyini açıqladı. İran Hörmüz boğazından keçidin silahlı qüvvələrin nəzarəti altında olacağını açıqladı.
Elchi.az xəbər verir ki, İran administrasiyası ABŞ və İsraillə müharibəyə son qoymaq üçün Pakistanda keçiriləcək danışıqları 15 günlük atəşkəs müddəti ərzində başa çatdırmağı hədəflədiyini açıqladı.
ABŞ Prezidenti Donald Trampın İranla 15 günlük atəşkəs elan etməsindən sonra Tehran administrasiyası tərəfindən bəyanat verildi.
İran Ali Milli Təhlükəsizlik Şurasının Katibliyi tərəfindən verilən bəyanatda “İran müharibədə məqsədlərinə çatıb” deyilir. Bəyanatda əlavə olunur: “Ölkə lideri Müctəba Xameneinin və Ali Milli Təhlükəsizlik Şurasının təsdiqi ilə razılaşmanı yekunlaşdırmaq üçün danışıqların İslamabadda keçirilməsinə qərar verilib. Məqsəd bu danışıqları maksimum 15 gün ərzində başa çatdırmaq və siyasi arenada da qələbəni qeydə almaqdır.”
ABŞ tərəfindən təqdim edilən bütün planların rədd edildiyi qeyd edilən bəyanatda Tehran administrasiyasının təqdim etdiyi 10 bənd aşağıdakı kimi sadalanıb: “İran Silahlı Qüvvələri ilə koordinasiyalı şəkildə Hörmüz boğazından nəzarətli keçid, müqavimət oxunun bütün elementlərinə qarşı müharibəyə son qoymaq, ABŞ hərbi qüvvələrinin bölgədəki bütün bazalardan və yerləşdirmə məntəqələrindən çıxarılması, Hörmüz boğazında təhlükəsiz keçidi təmin edən və razılaşdırılmış protokol çərçivəsində İranın suverenliyini təmin edən tranzit tənzimləməsinin yaradılması, hesablamalara görə İrana dəyən zərərin tam ödənilməsi, Beynəlxalq Atom Enerjisi Agentliyinin İdarə Heyətinin və Birləşmiş Millətlər Təşkilatının Təhlükəsizlik Şurasının bütün ilkin və ikinci dərəcəli sanksiyalarının və qətnamələrinin ləğvi, xaricdəki bütün bloklanmış İran aktivlərinin və maliyyə resurslarının sərbəst buraxılması və bütün bu bəndlərin Birləşmiş Millətlər Təşkilatının Təhlükəsizlik Şurasının məcburi qətnaməsi ilə təsdiqlənməsi”. Bəyanatda danışıqların 10 aprel cümə günü İslamabadda ABŞ tərəfinə “tam etimadsızlıq”la başlayacağı və məqsədin danışıqları 15 gün ərzində başa çatdırmaq olduğu, baxmayaraq ki, bu müddət qarşılıqlı razılaşma ilə uzadıla biləcəyi vurğulanıb.
Bəyanatda deyilirdi: “Barmaqlarımız tətiyi çəkir. Düşmənin ən kiçik bir səhvi güclü cavabla qarşılanacaq”.
Şayəstə
