Filippin hökuməti gəmilərinin Hörmüz boğazından keçməsinə icazə veriləcəyini açıqladı. Manila ilə İran arasında diplomatik əlaqələrdən sonra verilən bu qərar, bölgədə dəniz nəqliyyatının artırılması baxımından vacib bir addım hesab olunur.
Elchi.az xəbər verir ki, Enerji təhlükəsizliyini təmin etmək və neft daşımalarını davam etdirmək üçün Filippin İran tərəfindən “düşmən olmayan dövlət” kimi tanınmağı hədəfləyirdi.
Rəsmi açıqlamalar bu danışıqların müsbət nəticələr verdiyini təsdiqlədi.
“Təhlükəsiz, maneəsiz və sürətli keçid”
Filippin xarici işlər naziri Tereza Lazaro iranlı həmkarı ilə görüşlərin səmərəli olduğunu bildirdi. İran tərəfi Filippin bayrağı altında üzən gəmilər, eləcə də Filippin enerji daşıyan və Filippin dənizçiləri tərəfindən heyətə alınan gəmilər üçün “təhlükəsiz, maneəsiz və sürətli keçid” təmin etdi.
Bu inkişaf, xüsusən də qlobal dənizçilik sektorunda böyük paya sahib olan Filippin dənizçilərinin təhlükəsizliyi və ölkənin enerji təchizatı üçün strateji qazanc hesab olunur.
Bu qərar nəticəsində Hörmüz boğazında keçidlərin sürətləndirilməsi gözlənilir.
Şayəstə
